鄧月平做評判遇「小鮮肉」流晒口水 李昭南爆:直情跳咗出張檯

ViuTV藝人及歌手李昭南(Mishy)夥拍模特兒黃浚誠(Adrian)承辦亞洲模特盛典(Asia Model Festival) 香港賽區比賽,並邀請了鄧月平(Larine)做評判嘉賓,於早前舉行了初賽面試活動,挑選有潛質的模特兒。

李昭南(Mishy)被問道:「如果妳去參賽會唔會入圍?」她笑說:「直頭入唔到圍。因為我係行才華路線,同埋Fashion Model個胸唔可以太大,哈哈哈!」

是次活動還吸引了不少有潛質的參加者,例如有《全民造星》參賽者趙敬賢(酒粒仔)、《全民造星II》參賽者李展程(Joanthan),「香港小姐2020」第二輪面試的佳麗蔡少蝶及前TVB藝人黃得生(Dickson)等等。

李昭南(Mishy)接受《香港01》訪問時,說:「今屆質素都幾參差,靚仔靚女都唔少。其實好得意,靚嘅參加者好多都係素人,仲有啲Youtuber都嚟咗,不過真人就同上鏡有啲出入,今次可以話係素人完勝。」

她亦爆料,評判之一的鄧月平(lllarine)被「小鮮肉」參賽者迷倒了。她說:「平姐睇『小鮮肉』睇到流晒口水!我哋有個環節係要參加者行Catwalk,到其中有一個『小鮮肉』嘅時候,平姐直情跳咗出張評判檯,撓住個『小鮮肉』帶佢行。」

星月娛樂傳奇文化有限公司創辦人兼行政總裁李昭南(Mishy)就表示,面試後已選出了22位參加者,他們將會舉行一連串模特兒訓練以及運動。她說:「22個人入面我哋會揀一男一女代表香港出戰韓國主辦嘅Asia Model Festival。個比賽會有80個來自30個國家地區嘅人參加。」

Contact Us

We're not around right now. But you can send us an email and we'll get back to you, asap.

Not readable? Change text. captcha txt

Start typing and press Enter to search